Cundiziuns
Il servetsch sa drizza prioritarmain ad instituziuns publicas - p.ex. vischnancas, circuls, districts ed autras corporaziuns publicas. Per instituziuns privatas po il servetsch vegnir fatg dependent d'ina participaziun adequata als custs.
En cas da participaziun als custs applitgescha il servetsch linguistic las tariffas federalas/chantunalas: CHF. 2.90/lingia à 50 battidas u CHF. 80.- l'ura. Tariffas reducidas u pauschalas vegnan applitgadas tenor pratica vertenta.
Finamira dal servetsch linguistic è da facilitar l'applicaziun dal rumantsch e da rinforzar sia preschientscha. Il servetsch na dispensescha betg dad applitgar sez il rumantsch, porscha dentant tut il support pussaivel per rinforzar sia preschientscha.
Proceder
La purschida dal servetsch linguistic sa basa fitg ferm sin la pagina-web. La collecziun da texts uffizials da model ed autras purschidas che faciliteschan l'applicaziun dal rumantsch èn accessiblas uschia.
La part servetsch cuntegna ina banca da datas cun texts da model rumantschs. Cun agid da la funcziun da tschertgar u la survista tematica pon texts vegnir selecziunads. Ils texts giavischads pon vegnir chargiads directamain sin l'agen computer - gratuitamain!
La part purschida fa attent sin spiertas spezialas.
Dumondas per cussegliaziun linguistica, lectorat e translaziun pon gist vegnir inoltradas sur la funcziun contact.
|
